Հոկտեմբերի 13-ին Պրիզմա հետազոտական ընկերության գործադիր տնօրեն Լիանա Պողոսյանը, որպես հրավիրյալ բանախոս իր մասնակցությունն է ունեցել ԱՄՆ ՄԶԳ-ի կողմից կազմակերպված վեբինարին: Այն հիմնականում ուղղված էր տեղական մակարդակում և ուժերով զարգացման ծրագրերի խթանման համար կիրառվող գործիքների վերլուծությանը (Locally Led Development Checklist): Միևնույն ժամանակ, Oxfam և Save the Children կազմակերպությունների անդամները ներկայացնում էին Տեղական ներգրավվածության գնահատման շրջանակը (Local Engagement Assessment Framework), որի վրա հիմնված է գործիքը: ԱՄն ՄԶԳ-ի աշխարհի տարբեր գործընկեր համայնքներից ավելի քան հազար ներկայացուցիչներ էին մասնակցում վեբինարին, որը նրանց կողմից գնահատվեց որպես բաց, կառուցողական ուսուցման և փորձի փոխանակման հրաշալի հնարավորություն։
