«Պրիզմա» ՍՊԸ-ի փորձագիտական թիմը ՄԱԿ-ի Զարգացման ծրագրի շրջանակներում իրականացրել է հանրային կարծիքի ուսումնասիրություն ՀՀ ԱԺ-ի արդյունավետության վերաբերյալ։ Հանրային կարծիքի ուսումնասիրության նպատակն է ապահովել տվյալահեն որոշումների ընդունում՝ ուղղված ՀՀ Ազգային ժողովի ինստիտուցիոնալ կարողությունների զարգացմանը։
Այս ազգային ներկայացուցչական հետազոտությունն իրականացվել է Հայաստանի 1106 ՏՏ-ների շրջանում՝ տնային տնտեսություններ այցերի միջոցով: Հարցազրույցներն անցկացվել են դեմ առ դեմ՝ օգտագործելով համակարգչի օժանդակությամբ իրականացվող անհատական հարցազրույցների (CAPI) համակարգը:
Հանրային կարծիքի ուսումնասիրությունը կենտրոնացել է մի շարք հիմնական ոլորտների՝ հանրային իրազեկվածության, հանրային մասնակցության և վստահության, ինչպես նաև խորհրդարանի արձագանքման կարողության, թափանցիկության, հաշվետվողականության և ընկալվող արդյունավետության, հետազոտման վրա։ 2024 թվականի հետազոտական զեկույցը ներկայացնում է կարևոր արդյունքներ, որոնք ներառում են նաև նախորդ հինգ տարիների համեմատական վերլուծություն։
