«Պրիզմա» ՍՊԸ-ի փորձագիտական թիմը, Միգրացիայի միջազգային կազմակերպության (ՄՄԿ) պատվերով, իրականացրել է «Միգրանտների աշխատանքային իրավունքների վերաբերյալ հետազոտություն»։ Վերջինս նպատակ ուներ բացահայտել Հայաստանում՝ տարբեր ոլորտներում, աշխատանքային միգրացիայի հիմնական օրինաչափությունները և միգրանտ աշխատողների հավաքագրման գործընթացները, ինչպես նաև վերլուծել թրաֆիքինգի հետ կապված ռիսկի գործոնը: Այս համապարփակ ուսումնասիրությունը ներառում էր որակական և քանակական տվյալների օգտագործում, որնոց թվում՝ առանցքային տեղեկատվատուների հետ 12 հարցազրույց և 508 շահառուի մասնակցությամբ հարցում:
Հիմնական բացահայտումներն արժեքավոր գիտելիք են տրամադրում Հայաստանում միգրանտ աշխատողների առջև ծառացած մարտահրավերների վերաբերյալ՝ նպաստելով նրանց իրավունքների պաշտպանությանը և աշխատանքային պայմանների բարելավմանն ուղղված քաղաքականության մշակմանը:
